ABŞ 42 gəmini geri qaytarıb

ABŞ dəniz blokadasına görə 42 gəmini geri qaytarıb.

E-huquq.az xarici KİV-ə istinadən xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

Qurumun yaydığı açıqlamada ABŞ qüvvələrinin blokadanı pozaraq İran limanlarına girib-çıxmağa cəhd edən 42-ci ticarət gəmisini geri qaytarıldığı qeyd edilib.

"Hazırda İran rejiminin sata bilmədiyi 69 milyon barel neft daşıyan 41 tanker var. Bu, 6 milyard dollardan çox vəsait deməkdir" - deyə məlumatda qeyd edilib.

Qeyd edək ki, ABŞ-nin İran limanlarının blokadasına 10 mindən çox hərbçi, eləcə də onlarla döyüş gəmisi və qırıcı təyyarə cəlb olunub.

Şəbnəm Mehdizadə