4-cü sinif şagirdi müəllimi bıçaqladı

Rusiyanın paytaxtı Moskvada 4-cü sinif şagirdi müəllimini bıçaqla yaralayıb.

E-huquq.az xəbər verir ki, bu barədə məktəbin direktoru İrina Kurçatkina məlumat verib.

Hadisə 1474 saylı məktəbdə baş verib.

“4-cü sinifdə oxuyan qız şagird evdən gətirdiyi mətbəx bıçağı ilə müəllimi yaralayıb. Müəllimə vaxtında tibbi yardım göstərilib. Xoşbəxtlikdən, yara dərin deyil və onun həyatına heç bir təhlükə yoxdur”, - direktor bildirib.

Hadisənin səbəbləri, şagirdin bıçağı məktəbə necə gətirdiyi araşdırılır.

Daxili İşlər Nazirliyinin məlumatına görə, uşaq və onun qanuni nümayəndələri dindirilir.

Humay Eminqızı