ÜST: Qəzzada səhiyyə ehtiyacları çox böyükdür

Qəzzada səhiyyə ehtiyacları çox böyükdür.

E-huquq.az xəbər verir ki, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.

O, ÜST-ün səhiyyə xidmətlərinin son dərəcə məhdud olduğu və əhalinin böyük bir hissəsinin səhiyyə xidmətlərinə çıxışının olmadığı Qəzzanın şimalında yeni bir sağlamlıq mərkəzinin yaradılmasını dəstəklədiyini qeyd edib.

Qebreyesus səhiyyə xidmətlərinin geniş miqyasda yenidən qurulmasına başlamaq üçün Qəzzaya zəruri dərman və ləvazimatların təcili olaraq daxil olmasına çağırıb və həmçinin bürokratik maneələrin və zəruri dərmanlar üçün Qəzzaya giriş məhdudiyyətlərinin aradan qaldırılmasının vacibliyini qeyd edib.

Şəbnəm Mehdizadə