Zaxarova : “Zelenskinin hədələri həyata keçirilərsə, kütləvi cavab zərbələri ola bilər”

Kiyev rejimi mayın 9-da Volodimir Zelenskinin hədələrini həyata keçirməyə cəhd edərsə, kütləvi cavab zərbələrinə məruz qala bilər.

E-huquq.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.

“Biz Ukrayna vətəndaşlarını və xarici diplomatik korpusu Müdafiə Nazirliyinin Kiyevi dərhal tərk etmək tövsiyələrini ciddi qəbul etməyə çağırırıq ki, əgər Kiyev rejimi Qələbənin 81-ci ildönümünün qeyd edilməsini pozmaq üçün cinayət planlarını həyata keçirməyə cəhd edərsə, kütləvi cavab raket zərbələrinə məruz qala bilər”, - Zaxarova deyib.

Humay Eminqızı