İran ABŞ-dən aktivlərin açılmasını və Hörmüzdə gəmi təhlükəsizliyini istəyir

İranın ABŞ-nin təklifinə cavabı Hörmüz boğazında gəmiçilik təhlükəsizliyinin təmin olunması və İranın dondurulmuş aktivlərinin açılması tələblərini əhatə edib.

E-huquq.az xəbər verir ki, bu barədə İran Xarici İşlər Nazirliyinin sözçüsü İsmail Bəqayi bildirib.

"İranın İran gəmilərinə qarşı dəniz quldurluğunu dayandırmaq tələbi, ABŞ-nin təzyiqi ilə uzun illərdir xarici banklarda qeyri-qanuni saxlanılan İran xalqına məxsus aktivlərin sərbəst buraxılması tələbi - bu həddindən artıq tələbdir? Hörmüz boğazından təhlükəsiz keçidin təmin edilməsi təklifimiz - həddindən artıq tələbdirmi?", - o, mətbuat konfransı zamanı bildirib.

Bəqayi bildirib ki, İran, Vaşinqtonda münaqişənin həlli məsələsində İsrailin tətbiq etdiyi fikirlərin üstünlük təşkil etməsindən təəssüflənir və ABŞ öz əsassız tələblərində israr etməkdə davam edir.

Humay Eminqızı