Rusiyada məktəbdə partlayış olub: xəsarət alanlar var

Rusiyanın Perm vilayətində şagirdin məktəbdə fişəng partlatması nəticəsində 3 nəfər xəsarət alıb.

E-huquq.az xəbər verir ki, bu barədə Rsuiya Təhsil Nazirliyi məlumat yayıb.

Məlumata görə, hadisə Çaykovski şəhərində yerləşən 8 nömrəli məktəbdə dərs zamanı baş verib.

5-ci sinif şagirdi fişəngi məktəbə gizli keçirib.

Partlama nəticəsində 3 şagird yanıq xəsarətləri alıb. Onlara ilkin tibbi yardım göstərilib.

Hadisənin səbəbləri araşdırılır.

Humay Eminqızı