Tramp ABŞ-nin Türkiyədəki səfirini özünün Suriya və İraq üzrə xüsusi nümayəndəsi təyin etdi

Amerika lideri Donald Tramp ABŞ-nin Türkiyədəki səfiri Tom Barrakı Suriya və İraq üzrə xüsusi nümayəndə təyin edib.

E-huquq.az xəbər verir ki, Ağ Evin rəhbəri bu barədə "Truth Social" sosial şəbəkəsində yazıb.

"ABŞ-nin Türkiyədəki səfiri Tom Barrakın görkəmli iş gördüyünü və prezidentin Suriya və İraq üzrə xüsusi nümayəndəsi təyin ediləcəyini bildirməkdən məmnunam, çünki biz Suriya və İraq hökumətləri ilə strateji əməkdaşlığımızı inkişaf etdiririk və onlarla münasibətlərimiz möhkəmlənməyə davam edir", - o qeyd edib.

Trampın bildirdiyinə görə, Barrak bu zaman Türkiyədəki səfir vəzifəsində qalacaq, yeni statusunda isə "ABŞ Dövlət Departamentinin tam dəstəyi ilə" fəaliyyət göstərəcək.