Kubada baş verən güclü zəlzələ Florida və Meksikada təkanlara səbəb olub

Kubanın şimal-qərb sahillərində baş verən 6,1 bal gücündə zəlzələ Kuba, Meksika və Florida ştatlarının bəzi yerlərində təkanlara səbəb olub.

E-huquq.az xarici KİV-ə istinadən xəbər verir ki, bu barədə ABŞ Geoloji Xidməti (USGS) məlumat yayıb.

Agentlik zəlzələnin episentrinin Kubanın Mantua şəhərindən 104 kilometr qərb-şimal-qərb olduğunu müəyyən edib. Bu yer paytaxt Havanadan təxminən iki-dörd saatlıq məsafədədir.

Kubada onilliklər boyu davam edən iqtisadi çətinliklər bir çox binaları yararsız vəziyyətə salıb.

Bundan əlavə, bölgədə geniş yayılmış elektrik kəsilməsi rabitəni əhəmiyyətli dərəcədə pozur.

Zəlzələdən sonra sunami xəbərdarlığı verilməyib.

Şəbnəm Mehdizadə