İsrailin Qəzzaya hücumu zamanı 5 nəfər həlak olub

İsrail ordusunun atəşkəsə baxmayaraq Qəzza zolağına təşkil etdiyi hücumlarda son 24 saatda 5 fələstinli həyatını itirib.

E-huquq.az xəbər verir ki, bu barədə Qəzza Səhiyyə Nazirliyi məlumat yayıb.

Qeyd olunub ki, son 24 saat ərzində 8 yaralı xəstəxanalara çatdırılıb.

Atəşkəsin qüvvəyə mindiyi 10 oktyabr 2025-ci ildən indiyədək İsrailin hücumları nəticəsində 997 nəfər həyatını itirib, 3152 nəfər yaralanıb, dağıntılar altından 784 nəfərin cəsədi çıxarılıb.

2023-cü ilin oktyabrından İsrailin Qəzza zolağına hücumları nəticəsində ölənlərin ümumi sayı 73 008-ə, yaralıların sayı isə 173 260-a çatıb.

Qəzza zolağında minlərlə cəsədin hələ də dağıntılar altında olduğu bildirilir.

Şəbnəm Mehdizadə