İran: ABŞ ilə razılaşma imzalanmadan əvvəl dəniz blokadası qismən ləğv edilib

ABŞ ilə razılaşma imzalanmadan əvvəl dəniz blokadası qismən aradan qaldırılıb.

E-huquq.az xarici KİV-ə istinadən xəbər verir ki, bunu İran xarici işlər nazirinin müavini Məcid Təxt-Rəvançi jurnalistlərə açıqlamasında bildirib.

Onun sözlərinə görə, Trump administrasiyası iki ölkə arasında 14 iyunda əldə edilən razılaşmanın imzalanmasından əvvəl İran gəmilərinə tətbiq olunan dəniz məhdudiyyətlərini qismən aradan qaldırıb.

Onun sözlərinə görə, ABŞ ilə əldə olunan razılaşmada Hörmüz boğazının açılması və ABŞ tərəfindən tətbiq edilən dəniz blokadasının tam şəkildə aradan qaldırılması məsələləri xüsusi vurğulanıb.

"Blokadanın qaldırılması əvvəldən bizim əsas tələblərimizdən biri olub və razılaşma imzalanmadan əvvəl qismən icra edilib", - Rəvançi əlavə edib.

Məlumata əsasən, ABŞ, İran və Pakistanın vasitəçiliyi ilə aparılan danışıqlardan sonra tərəflər İrana qarşı hərbi əməliyyatların dayandırılmasını nəzərdə tutan anlaşma memorandumu üzrə razılığa gəliblər.

Geneva şəhərində imzalanması planlaşdırılan sənədin cümə günü rəsmiləşdiriləcəyi bildirilir. İran tərəfi də memorandumun həmin tarixdə Cenevrədə imzalanacağını təsdiqləyib.

Şəbnəm Mehdizadə