NATO Ukraynaya 70 milyard avroluq yeni maliyyə yardımı paketi hazırlayır

NATO ölkələri Ukraynanın hərbi ehtiyacları üçün 70 milyard avro maliyyə yardımı ayırmağı nəzərdən keçirir. Lakin Almaniyanın irəli sürdüyü yeni təşəbbüsdə ABŞ-nin iştirak edib-etməyəcəyi hələ də sual altındadır.

E-huquq.az xəbər verir ki, bu barədə "Euractiv" portalı mənbələrə istinadən məlumat yayıb.

Məlumata görə, belə bir məbləğin səfərbər edilməsi ilə bağlı təklif alyansın iyulun 7-8-də keçiriləcək sammitinin əsas mümkün nəticələrindən biri ola bilər. Sözügedən yardım paketi hazırda müzakirə mərhələsindədir.

Kiyevin 2026-cı ildə hərbi ehtiyaclarını maliyyələşdirmək üçün Aİ-dən 28,3 milyard avro alacağı gözlənilir.

NATO-nun baş katibi Mark Rutte deyib ki, rəsmi Vaşinqton Kiyevə bütün zəruri yardımı göstərməyə davam etdiyini çox aydın şəkildə bəyan edib.

Humay Eminqızı