Qəzzada ölənlərin sayı 73 mini ötüb

İsrail ordusunun 2023-cü ilin oktyabr ayından Qəzza zolağında başlatdığı hücumlar nəticəsində ölənlərin sayı 73 058-ə çatıb.

E-huquq.az xəbər verir ki, bu barədə Qəzza Səhiyyə Nazirliyi məlumat yayıb.

Bildirilib ki, son 24 saat ərzində İsrailin hücumları nəticəsində həlak olan 4 nəfərin cəsədi, 8 yaralı isə Qəzzada xəstəxanalara çatdırılıb.

Ümumilikdə İsrailin hücumları nəticəsində 173 488 nəfər xəsarət alıb.

Qəzza zolağında hələ də dağıntılar altında minlərlə cəsədin qaldığı bildirilir.

Şəbnəm Mehdizadə