İran Küveytdəki ABŞ hərbi obyektlərinə PUA zərbələri endirdiyini bildirib

İran ordusu pilotsuz uçuş aparatları ilə Küveytdə yerləşən ABŞ hərbi bazalarına iki cavab zərbəsi endirdiyini bəyan edib.

E-huquq.az xəbər verir ki, bu barədə "Press TV" İran ordusunun bəyanatına istinadən məlumat yayıb.

Bildirilib ki, zərbələr pilotsuz uçuş aparatları vasitəsilə həyata keçirilib.

Məlumata görə, hədəflər ABŞ Quru Qoşunlarının Əl-Üdeyri düşərgəsində yerləşən sursat anbarı, həmçinin Küveytdəki Əli Əs-Salem aviabazasında yerləşən Patriot hava hücumundan müdafiə sisteminin radarı və hava müşahidə radarı olub.

Hücumun nəticələri, mümkün dağıntılar və itkilərlə bağlı hələlik əlavə məlumat açıqlanmayıb.