Fransada meşə yanğınları ilə mübarizə davam edir

Fransada cari ildə 32 min hektardan çox ərazi yanıb.

E-huquq.az yerli KİV-ə istinadən xəbər verir ki, yanğınlara havadan və qurudan müdaxilələr davam edir.

Dünən ölkənin cənub-şərqindəki Var departamentinin müxtəlif ərazilərində baş verən yanğınları söndürmək üçün 600-dən çox yanğınsöndürən cəlb edilib.

Var departamentinin Taradeo qəsəbəsində yanğın dünəndən bəri 200 hektardan çox ərazini külə çevirib.

Məlumata görə, Korsika adasındakı Yuxarı Korsika departamentinin meşəlik ərazilərində iyulun 12-də başlayan iki yanğın hələ söndürülməyib.

Fransanın meteorologiya agentliyi "Meteo-France" bu gün ölkənin 27 departamenti üçün yüksək yanğın təhlükəsi barədə xəbərdarlıq edildiyini açıqlayıb.

Humay Eminqızı