Lavrov filippinli həmkarı ilə görüşdü

Rusiyanın xarici işlər naziri Sergey Lavrov və filippinli həmkarı Mariya Tereza Lazaro Manilada keçirilən danışıqlar zamanı ticarət-iqtisadi və yanacaq-energetika sahələrində əməkdaşlığı müzakirə ediblər.

E-huquq.az xəbər verir ki, bu barədə Rusiya Xarici İşlər Nazirliyi məlumat yayıb.

“İkitərəfli əməkdaşlığın perspektivli istiqamətləri, o cümlədən ticarət-iqtisadi və yanacaq-energetika sahələrində əməkdaşlıq müzakirə olunub. Həmçinin regional və beynəlxalq gündəliyin aktual məsələləri üzrə fikir mübadiləsi aparılıb”, - məlumatda deyilir.

Görüş zamanı, Rusiya-ASEAN dialoq tərəfdaşlığı çərçivəsində iki ölkə arasında konstruktiv qarşılıqlı fəaliyyət qeyd edilib.

Humay Eminqızı