ABŞ "HƏMAS" və "Müsəlman qardaşları" ilə əlaqəli şəxslərə qarşı sanksiyalar tətbiq edib

ABŞ "Müsəlman qardaşları" hərəkatı və radikal Fələstin hərəkatı "HƏMAS" ilə əlaqəli bir sıra fiziki və hüquqi şəxsləri sanksiya siyahılarına daxil edib.

E-huquq.az xəbər verir ki, bu barədə ABŞ Dövlət Departamentinin bəyanatında deyilir.

"ABŞ "HƏMAS"ı və "Müsəlman qardaşları"nı maliyyələşdirən bütün maliyyə infrastrukturunun ləğvinə çalışır", – deyə qurum bildirib.

Sanksiya siyahısına Böyük Britaniyada yaşayan "Müsəlman qardaşları"nın Misir bölməsinin rəhbərliyinin nümayəndələrindən birinə, həmçinin digər ölkələrdə yerləşən daha üç fiziki və üç hüquqi şəxs daxil edilib.

Humay Eminqızı