İran İordaniyada ABŞ-yə məxsus aviabazaya zərbə endirib

İran İordaniyadakı ABŞ-yə məxsus "Əl-Əzraq" aviabazasına zərbə endirib.

E-huquq.az xəbər verir ki, bu barədə İslam İnqilabı Keşikçiləri Korpusunun (SEPAH) bəyanatında bildirilir.

“Tasnim” agentliyinin yaydığı məlumata görə, bazanın ərazisindəki obyektlərə ballistik raketlərlə zərbələr endirilib. Zərbələr nəticəsində üç “F-35” qırıcısı məhv edilib, daha üç təyyarəyə ciddi ziyan dəyib.

Zərbələr nəticəsində həlak olanlar da var.

SEPAH vurğulayıb ki, bu hücum ABŞ-nin İran ərazisinə endirdiyi zərbələrə cavab olaraq həyata keçirilib.

Humay Eminqızı