Rusiyada sürücü avtomobili piyadaların üzərinə sürüb, 7 nəfər yaralanıb

Rusiyanın Omsk şəhərinin Maslennikov küçəsində "Lada Granta" markalı avtomobilin sürücüsü nəqliyyat vasitəsini piyadaların üzərinə sürüb.

E-huquq.az xəbər verir ki, bu barədə şəhər prokurorluğu məlumat yayıb.

Hadisə nəticəsində 7 piyada və 1962-ci il təvəllüdlü avtomobilin sürücüsü xəsarət alıb. Yaralılar xəstəxanaya yerləşdirilib.

İlkin məlumata görə, sürücüdə ürəklə bağlı səhhət problemi yarandığı üçün qəza baş verib.

Hadisənin başvermə səbəbləri araşdırılır.

Humay Eminqızı