İranın Bocnurd və Məşhəd şəhərlərində havanın çirklənməsi səbəbindən dövlət qurumlarının fəaliyyəti dayandırılıb.
E-huquq.az xarici KİV-ə istinadən xəbər verir ki, bu barədə Şimali Xorasan Böhran vəziyyətlərinin idarəolunması üzrə səlahiyyətli şəxsi Meneceri Qulam Rıza Şefik məlumat verib.
"Hava çirkliliyinin 300 mikroqram/kubmetri keçməsi səbəbindən bu gün saat 10:00-dan sonra Bocnurdda dövlət qurumlarının fəaliyyəti dayandırılıb", – deyə o bildirib.
Məşhəd şəhərində də havanın çirklənməsinin artması ilə əlaqədar dövlət qurumları və məktəblərdə tətil elan olunub.
Məlumata görə, toz fırtınası səbəbindən Məşhəddə hava çirkliliyi 236 mikroqram/kubmetr səviyyəsindədir.
Rəsmilər insanları, xüsusən də ürək və tənəffüs sistemi xəstələrini məcburi olmadıqca evlərindən çölə çıxmamağa çağırıb.
Şəbnəm Mehdizadə
