Malatya vilayətində baş verən zəlzələdə 1 qəzalı bina dağılıb, 2 ağır zədələnmiş bina yana əyilib, 22 nəfər yüngül xəsarətlər alıb.
E-huquq.az xəbər verir ki, bunu Türkiyənin daxili işlər naziri Ali Yerlikaya bildirib.
"Hələlik itkilərimiz yoxdur. 1 qəzalı bina dağılıb, 2 ağır zədələnmiş bina yana əyilib. Qorxu, panika və hündürlükdən tullanma nəticəsində 22 vətəndaşımız yüngül xəsarət alıb", – nazir vurğulayıb.
Onun sözlərinə görə, səlahiyyətli qurumların əməkdaşları ərazidə araşdırmaları davam etdirirlər.
***
23.29
Türkiyənin Malatya vilayətində 5,3 maqnitudalı baş verən zəlzələ nəticəsində bir tərk edilmiş bina dağılıb.
E-huquq.az xəbərə görə, bu barədə Malatya valisi Hulusi Şahin bildirib.
O, bir neçə nəfərin yaralandığını, lakin başqa dağıntıların olmadığını da vurğulayıb.
***
22.55
Bu gün Malatyada baş vermiş zəlzələ nəticəsində indiyə qədər Battalqazi rayonunda 1 tərk edilmiş bina dağılıb.
E-huquq.az xəbər verir ki, bu barədə Malatya valisi Hulusi Şahin NTV-nin canlı yayımına telefonla bağlanaraq bildirib.
"İndiyə qədər Battalqazi rayonunda 1 tərk edilmiş bina dağılıb. Küçədə yoldan keçən bir uşaq ayağını sındırıb. O, xəstəxanaya aparılıb. Bir neçə dəfə eyvandan tullanma faktı var”, – deyə o qeyd edib.
22.04
Türkiyənin Malatya vilayətinin Yeşilyurt rayonunda 5,3 maqnitudalı zəlzələ baş verib.
E-huquq.az xəbər verir ki, bu barədə Fövqəladə Halların İdarə Olunması Agentliyi (AFAD) məlumat yayıb.
Bildirilib ki, zəlzələ ocağının dərinliyi 7 kilometr olub.
