Fəhlələrlə sakinlər arasında kütləvi davada 10 nəfər yaralanıb

Türkiyənin Ərzurum şəhərində kütləvi davada 10 nəfər yaralanıb.

E-huquq.az “TRT Haber”ə istinadən xəbər verir ki, Ərzurumun Əziziyyə rayonunda yol tikintisi zamanı fəhlələrlə sakinlər arasında naməlum səbəbdən mübahisə yaranıb.

Mübahisə qısa zamanda davaya çevrilib.

Tərəflər bir-birinə daş və dəyənəklərlə hücum edib.

Hadisə yerinə jandarma və təcili yardım qrupları cəolb edilib.

Yaralılar Ərzurum Şəhər Xəstəxanasına və şəhər mərkəzindəki Atatürk Universiteti Təhsil və Araşdırma Xəstəxanasına aparılıb.

Şəbnəm Mehdizadə