Nigeriyada hərbi bazaya silahlı hücum olub.
E-huquq.az xarici mətbuata istinadən xəbər verir ki, bu barədə Nigeriya ordusu məlumat yayıb.
Məlumata görə, silahlı dəstə üzvləri Katsina əyalətinin Faskari bölgəsindəki hərbi bazaya hücum edib.
Hücum zamanı 5 əsgər ölüb, 11 əsgər isə yaralanıb.
Qeyd edək ki, Nigeriyada son zamanlar İŞİD-in Qərbi Afrika qolu olan Boko Haram və ISWAP terror təşkilatları hücumlar həyata keçirir. Son zamanlar silahlı şəxslərin motosikletlərə hücumu səbəbindən ölkənin bəzi əyalətlərində motosikletlərdən istifadə qadağan edilib.
Şəbnəm Mehdizadə
