Yəmən sahillərində gəmi batıb: 38 nəfər ölüb

Yəmən sahillərində gəminin batması nəticəsində 38 nəfər ölüb.

E-huquq.az xarici mətbuata istinadən xəbər verir ki, rəsmilər içərisində təqribən 250 nəfərin olduğu gəminin sahilə çatmamış batdığını söyləyib.

Balıqçılar və yerli sakinlər 78 miqrantı xilas edə bilib.

İtkin düşmüş 100-ə yaxın adamın axtarış-xailsetmə işləri davam edir.

Gəmidəkilərin əksəriyyəti Körfəz ölkələrinə getmək istəyən Efiopiyalı miqrantlar olduğu bildirilir.

Hadisə ilə bağlı Birləşmiş Millətlər Təşkilatına məlumat verilib.

BMT-nin məlumatına görə, keçən il Afrika Buynuzu bölgəsindən Yəmənə 97 min miqrant gəlib.

Şəbnəm Mehdizadə