Liviya 163 banqladeşli qanunsuz miqrantı deportasiya edib

Liviya Banqladeşdən olan 163 qeyri-qanuni miqrantı deportasiya edib.

E-huquq.az xarici mətbuata istinadən xəbər verir ki, bu barədə Liviyanın Qanunsuz Miqrasiya ilə Mübarizə İdarəsindən bildirilib.

Məlumatda Liviyada yaşamaq icazəsi olmayan qeyri-qanuni mühacirlərə qarşı əməliyyatların davam etdiyi bildirilib.

Qeyd olunub ki, BMqT ilə əməkdaşlıq çərçivəsində iyunun 10-da Banqladeş vətəndaşı olan 163 qeyri-qanuni mühacir Benqazidəki Benina hava limanından öz ölkələrinə deportasiya edilib.

Liviya Xüsusi Vəzifələr Departamentindən verilən açıqlamada isə Misrata şəhəri sahillərində bir qayıqda Sudan, Efiopiya və Banqladeş əsilli 49 qeyri-qanuni miqrantın tutulduğu bildirilib.

Həmçinin 2 liviyalı insan alverçisinin saxlanıldığı, qanunsuz miqrantların müvafiq tədbir görülməsi üçün prokurorluğa təhvil verildiyi qeyd olunub.

Şəbnəm Mehdizadə