Cənubi Afrikada meymun çiçəyi virusundan ilk ölüm halları qeydə alınıb

Cənubi Afrika Respublikasında meymun çiçəyi virusuna (mpox) yoluxan 2 nəfər ölüb.

E-huquq.az xarici mətbuata istinadən xəbər verir ki, bu barədə Milli Yoluxucu Xəstəliklər İnstitutu (NICD) məlumat yayıb.

Məlumatda ölkənin ən böyük əyalətləri olan Gauteng və KwaZulu-Natalda 6 yoluxma faktının aşkar edildiyi açıqlanıb.

Ölkədə virusa yoluxanlar arasında ilk dəfədir ki, ölüm halının qeydə alındığı bildirilir.

Xəstələrdən biri iyunun 10-da, Gautengdəki Thembisa xəstəxanasında dünyasını dəyişib.

38 yaşlı digər bir xəstə isə iyunun 13-də KwaZulu-Natalda ölüb.

Məlumatda virusdan ölən xəstələrin xarici ölkələrə səyahət etmədiyi qeyd olunub.

Şəbnəm Mehdizadə