Türkiyədə meşə yanğını olub

Türkiyənin Çankırı şəhərində meşə yanğını başlayıb.

E-huquq.az “TRT Haber”ə istinadən xəbər verir ki, bu barədə Çankırı valiliyi məlumat yayıb.

Məlumata görə, Çankırının Bayramören rayonunda bir evdə baş verən yanğın böyüyərək meşəlik əraziyə keçib.

Əraziyə xeyli sayda yanğınsöndürən və 1 helikopter cəlb olunub.

Yanğın nəticəsində meşə sahəsinə ciddi ziyan dəyib.

Hazırda yanğın nəzarətə götürülüb, ərazidə soyutma işləri aparılır.

Şəbnəm Mehdizadə