Ermənistanın sabiq müdafiə naziri David Tonoyan azadlığa buraxıldı

Ermənistanın keçmiş müdafiə naziri David Tonoyan Yerevan-Kentron istintaq təcridxanasını tərk edib.

E-huquq.az xəbər verir ki, bu barədə Ermənistan KİV məlumat yayıb.

Bir müddət öncə məhkəmə keçmiş nazirin 37,5 min dollar girov müqabilində həbsdən azad edilməsinə dair qərar verib.

O, 2021-ci ilin sentyabrından həbsdə olub.

Xatırladaq ki, David Tonoyan yararsız aviasiya sursatları almaqda ittiham olunur və 2021-ci ilin sentyabrında həbs edilib.