Bakı şəhərinin Binəqədi rayonu, Binəqədi qəsəbəsi ərazisində müəssisələrdən birində tikişçi işləyən Güllü Qədiməliyeva sentyabrın 17-də döşəmənin sınması səbəbindən vəfat edib.
E-huquq.az xəbər verir ki, bu barədə Baş Prokurorluğun Mətbuat xidməti məlumat yayıb.
Qeyd edilib ki, sözügedən şəxs binanın 2-ci mərtəbəsində istifadə olunmayan boş otaqların birinə daxil olarkən döşəmənin sınması səbəbindən binanın birinci mərtəbəsinə beton səthə yıxılaraq ölüb.
Faktla bağlı Binəqədi rayon prokurorluğunda araşdırma aparılır.
***
Bakının Binəqədi qəsəbəsi ərazisində yerləşən qənd sexinin taxta döşəməsi çöküb.
E-huquq.az xəbər verir ki, hadisə sentyabrın 17-də baş verib.
Çökmə nəticəsində orada xadimə işləyən Bakı şəhər sakini 1963-cü il təvəllüdlü Güllü Hüseyn qızı Qədimalıyeva yıxılaraq ölüb.
Araşdırma aparılır.
