Şəmkirdə minik maşını dəmir arakəsməyə çırpılıb, sərnişin ölüb

Şəmkirdə ölümlə nəticələnən yol qəzası baş verib.

E-huquq.az xəbər verir ki, hadisə rayonun Kür qəsəbəsində qeydə alınıb.

Hərəkətdə olan BMW markalı minik maşını yoldan çıxaraq dəmir arakəsməyə çırpılıb.

Qəza zamanı sərnişin, rayonun Mahmudlu kənd sakini - 1985-ci il təvəllüdlü Aslan Kirov xəstəxanaya aparılarkən yolda dünyasını dəyişib.

Faktla bağlı araşdırma aparılır.