"Məhkəmələrdə baxılan işlər üzrə ödənilən dövlət rüsumunun dərəcələrinin verilən iddiaların qiymətinə müvafiq olaraq diferensiasiya edilməsini tam məntiqli və zamanın ruhuna uyğun hesab edirəm".
Bunu e-huquq.az-a müsahibəsində Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli deyib.
Ə. Hüseynli bildirib ki, əsassız iddialar məhkəmənin iş yükünü artıran amillərdən biridir: "Müşahidələr göstərir ki, əslində əhəmiyyətsiz məsələlərlə bağlı əsassız olaraq yüksək məbləğdə qiymətləndirilən iddiaların sayı heç də az deyil və bu, çox zaman sui-istifadə hallarına şərait yaradır. Digər tərəfdən, yeni qanuna əsasən dövlət rüsumlarının artırılması yalnız yüksək məbləğlərə şamil olunur".
.jpg)
