Narkotik satmaqda təqsirləndirilən keçmiş məhkumun məhkəməsi başlayır

Yevlaxda narkotik vasitələrin qanunsuz dövriyyəsində təqsirləndirilən Nadir Bəkirovun cinayət işi üzrə ibtidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Şəki Ağır Cinayətlər Məhkəməsinə göndərilib.

Hakim Xaliq Məmmədovun sədrliyi ilə keçiriləcək məhkəmənin hazırlıq iclası iyulun 6-na təyin olunub.

Qeyd edək ki, əvvəllər məhkum olunmuş Nadir Bəkirov saxlanılaraq şöbəyə gətirilib və onun üzərinə baxış keçirilib. Baxış zamanı satış məqsədi ilə 86 bükümdə qablaşdırılmış külli miqdarda heroin və metamfetamin, eləcə də metadon həbləri aşkar edilərək götürülüb.

Şəbnəm Mehdizadə