Məhkəmə bankdan oğurluq etməkdə təqsirləndirilən şəxslə bağlı qərar verəcək

Bakıda bankdan oğurluq etməkdə təqsirləndirilən Aleksey Babayevin cinayət işi üzrə ibtidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.

İş hakim Mahirə Kərimovanın icraatına verilib. Məhkəmənin hazırlıq iclasının vaxtı hələlik məlum deyil.

Qeyd edək ki, 1976-cı il təvəllüdlü Babayev Aleksey Ramizoviç banklardan birinin müştərilərinin depozit otağından 316 min manat və 32 min ABŞ dolları məbləğində nağd pulu oğurlamaqda şübhəli bilinir. Ona qarşı Cinayət Məcəlləsinin 177.4-cü maddəsi ilə ittiham irəli sürülüb.

Şəbnəm Mehdizadə