Azərbaycan Prezidentinin köməkçisi: Azərbaycan dialoq tərəfdaşı kimi ŞƏT-lə sıx əməkdaşlıq edir

Azərbaycan dialoq tərəfdaşı kimi Şanxay Əməkdaşlıq Təşkilatı (ŞƏT) ilə sıx əməkdaşlıq edir.

E-huquq.az xəbər verir ki, bunu jurnalistlərə açıqlamasında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

Çin Xalq Respublikasının Sədri Si Cinpin və Çinin Şanxay Əməkdaşlıq Təşkilatına töhfəsini vurğulayan Hikmət Hacıyev təşkilatlın Şanxay adını, Şanxay ruhunu daşıdığını qeyd edib: “Çin Şanxay Əməkdaşlıq Təşkilatının Azərbaycanla qarşılıqlı əməkdaşlığını dəstəkləyir. Azərbaycan dialoq kimi bu qurumla sıx əməkdaşlıq edir. Çinli dostlarımıza dialoq tərəfdaşı kimi Azərbaycanı dəvət etdiklərinə və fəal qarşılıqlı münasibətlərə görə minnətdarıq”.

O qeyd edib ki, Azərbaycan Şanxay ruhunda dəstək verir: “Bu ruh ortaqlığa, əməkdaşlığa və sülhə əsaslanır. Azərbaycan xarici siyasətini də bu parametrlər əsasında aparır. Bu prinsip əsasında biz Şanxay Əməkdaşlıq Təşkilatına üzv ölkələrlə, xüsusən də Çin Xalq Respublikası ilə əlaqələrimizi inkişaf etdiririk”.