Sabah üç rayonun bəzi yerlərində qaz olmayacaq

Sabah İmişlinin 41, Biləsuvarın 11 və Saatlının 1 yaşayış məntəqəsində qaz kəsiləcək.

E-huquq.az xəbər verir ki, “İmişli” QPS-i təbii qazla təmin edən diametri 325 mm-lik yüksək təzyiqli qaz xətti üzərində yeni qaz ölçü qovşağına aid texnoloji düz sahənin quraşdırılması ilə əlaqədar 15.04.2024-cü il saat 09:00-dan etibarən işlər başa çatanadək ümumilikdə 28332 abonenti olan İmişli rayonu tam olaraq (İmişli şəhəri, 2 qəsəbə və 39 kənd), eyni zamanda Biləsuvar rayonunun inzibati ərazisində yerləşən 11 məcburi köçkünlər qəsəbəsi, həmçinin 226 abonenti olan Saatlı rayonunun Məzrəli kəndində təbii qaz təchizatının dayandırılması planlaşdırılır.

Abonentlərdən təbii qaz verilişinin dayandırıldığı müddət ərzində qaz təchizatı avadanlıqlarını nəzarətdə saxlamağı və təhlükəsizlik tədbirlərinə riayət etmələrini xahiş edirik.