"Ali Məhkəmə ədalətli qərar qəbul etdi" - Vəkil


  • 20 Avqust 16:15

Ali Məhkəmə Qazaxıstan Respublikasının vətəndaşının barəsindəki qərardan verilən kassasiya şikayətini araşdırıb.

Bu barədə e-huquq.az-a təqsirləndirilən əcnəbinin hüquqlarını müdafiə edən vəkil Şaiq Mirzəyev məlumat verib.

O bildirib ki, hakim Ələsgər Əli Novruzovun sədrliyi ilə araşdırılan cinayət işinə çox ədalətli və obyektiv şəkildə baxılıb. Məhkəmənin qərarı ilə iş yenidən baxılması üçün apelyasiya instansiyasına qaytarılıb:

"Əminəm ki, ədalətli hakimlərin sayəsində bu iş öz həllini tapacaq. Ali Məhkəmədə çıxarılan bu qərar bir daha sübut edir ki, cənab Prezidentin "Məhkəmə-hüquq sistemində islahatların dərinləşdirilməsi haqqında" Fərmanından sonra bu sahədə çox mütərəqqi addımlar atılır. Həm hüquq şirkətinin rəhbəri, həm də məhkəmə proseslərində iştirak edən vəkil kimi məhkəmə-hüquq sistemindəki bu inkişafın şahidi oluram".

Oxşar xəbərlər