Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərdə aşkarlanan minaların sayı açıqlanıb.
E-huquq.az-ın xəbərinə görə, İdarələrarası Mərkəzin Minalardan və partlamamış hərbi sursatlardan (PHS) təmizləmə üzrə İşçi Qrupun iclasında bildirilib ki, icra edilən humanitar minatəmizləmə fəaliyyəti (2020-ci il 10 noyabr tarixindən 2022-ci il 14 aprel tarixinədək 8 372.9 ha ərazi təmizlənib, 30 572 ədəd mina və PHS aşkar edilib.
Qeyd edilib ki, carı ilin 1-14 aprel tarixləri ərzində isə 506.4 ha ərazi təmizlənib, 595 ədəd mina və PHS aşkar edilərək zərərsizləşdirilib) barədə məlumat təqdim olunub.
Agentliyə daxil olan müraciətlər əsasında bitmiş və hal-hazırda davam edən minatəmizləmə layihələrinə dair müzakirələr aparılıb.
