Avropa İttifaqı Şurası İrana qarşı sanksiyaların qismən bərpası barədə qərar qəbul edib.
E-huquq.az xəbər verir ki, bu barədə Şuranın açıqlamasında bildirilib.
"Bu gün Avropa İttifaqı Şurası İranın nüvə silahının yayılması ilə bağlı fəaliyyəti üzrə bir sıra məhdudlaşdırıcı tədbirlərin bərpası barədə qərar qəbul edib", – sənəddə bildirilib.
Qeyd olunur ki, bu qərar BMT Təhlükəsizlik Şurasının İranla bağlı sanksiyalarının yenidən qüvvəyə minməsi ilə əlaqədar olaraq qəbul edilib.
Tədbirlər paketi aşağıdakılardan ibarətdir:
* bir sıra şəxslərin Avropa İttifaqına daxil olmasına qadağa;
* sanksiya siyahısına daxil edilmiş fiziki və hüquqi şəxslərin aktivlərinin dondurulması;
* ticarət məhdudiyyətləri;
* İran Mərkəzi Bankının və bir sıra iri kommersiya banklarının aktivlərinin dondurulması;
* İran yük reysləri üçün Avropa hava limanlarına girişin qadağan edilməsi.
Humay Eminqızı
