Türkiyənin Kayseri şəhərində fabrikdə partlayış baş verib.
E-huquq.az "TRT Haber"ə istinadən xəbər verir ki, Kayserinin İncesu rayonunda yerləşən fabrikin həyətindəki qaz çəni naməlum səbəbdən partlayıb.
Hadisə nəticəsində 4 fəhlə xəsarət alıb.
Əraziyə dərhal polis, yanğınsöndürənlər və tibb qrupları göndərilib.
Xəsarət alan fəhlələr xəstəxanaya çatdırılıb.
Onların vəziyyətinin yaxşı olduğu bildirilib.
Məsələ ilə bağlı araşdırma aparılır.
Şəbnəm Mehdizadə
