Azərbaycan Respublikası Prezidentinin Fərmanının icrası ilə bağlı Vəkillər Kollegiyası tərəfindən yaradılmış Mülki hüquq istiqaməti üzrə Vəkillər Kollegiyasının (VK) ixtisaslaşmış üzvlərindən ibarət işçi qrupun növbəti iclası keçirilib.
E-huquq.az xəbər verir ki, iclasda Mülki Prosessual Məcəlləyə dəyişikliklə bağlı təkliflər səsləndirilib və müzakirə olunub. İndiyədək keçirilən iclaslarda ümumilikdə 90-a yaxın əlavə və dəyişikliklə bağlı təklif irəli sürülüb.
Sonda təkliflər paketi baxılması üçün Azərbaycan Respublikası Prezident Administrasiyası, Ədliyyə Nazirliyi, Baş Prokurorluq və Ali Məhkəməyə göndəriləcək.
