Türkiyənin Ağrı şəhərində yağan güclü qar faciəyə səbəb olub.
E-huquq.az “TRT Haber”ə istinadən xəbər verir ki, Ağrının Taşlıçay rayonunda yağan qar nəticəsində bir qrup vətəndaşın mal-qarası itkin düşüb.
Bölgəyə AFAD əməkdaşları cəlb edilsə də qar onların fəaliyyətinə imkan verməyib.
Bağlanan yolun açılması üçün ekskavatordan istifadə edilib. Lakin yolu təmizləyən ekskavator uçuruma yuvarlanıb və nəticədə 4 nəfər həyatını itirib.
Bölgəyə jandarma və axtarış-xilasetmə qrupları cəlb edilib.
Ekskavatorun sürücüsü hadisə yerindən 500 metr aralı məsafədə tapılıb. Xəstəxanaya aparılan sürücünün həyatını xilas etmək mümkün olmayıb.
Xilasetmə qrupları digər 3 nəfərin cəsədini də növbəti gün aidiyyəti üzrə təhvil verib.
Şəbnəm Mehdizadə
