Türkiyənin 3 vilayətində İŞİD terror təşkilatına qarşı əməliyyat keçirilib.
E-huquq.az Türkiyə mətbuatına istinadən xəbər verir ki, Respublika Baş Prokurorluğu polislə birgə təşkilat üzvlərinin tutulması üçün araşdırma aparıb.
İstintaq çərçivəsində İŞİD üzvü olduğu müəyyən edilən 6 şübhəlinin gizləndiyi ünvanlar müəyyən edilib.
Polis Kilis, Şanlıurfa və Uşakda müəyyən edilən ünvanlarda eyni vaxtda əməliyyat keçirib.
Əməliyyat zamanı tutulan 6 şübhəlidən 3-ü həbs edilib.
Digər 3 şübhəli isə məhkəmə nəzarəti ilə sərbəst qalıb.
Əməliyyat zamanı təşkilata məxsus sənədsiz tapança və çoxlu sayda rəqəmsal material ələ keçirilib.
Şəbnəm Mehdizadə
