Türkiyədə bələdiyyə seçkilərində səsvermə respublikanın cənub-şərqində başlayıb. Buarada seçki məntəqələri bir saat əvvəl, yerli vaxtla saat 07:00-da açılıb.
E-huquq.az-ın məlumatına görə, ölkənin əsas hissəsində seçkilər saat 08:00-da başlayıb 17:00-da başa çatacaq.
Türkiyə Mərkəzi Seçki Komissiyasının qərarına əsasən, səsvermə cədvəlində dəyişikliklər Ramazan ayının özəllikləri nəzərə alınaraq edilib. Bu dəyişiklər 81 vilayətdən 32-nə aiddir.
Türkiyə Daxili İşlər Nazirliyi bildirib ki, seçkilərin təhlükəsizliyini 600 minə yaxın hüquq-mühafizə orqanı əməkdaşı, eləcə də könüllülər təmin edir.
