Lənkəranda avtomobil piyadanı vuraraq öldürüb, digərinə isə xəsarət yetirib.
E-huquq.az-ın məlumatına görə, Əhmədov Natiqin idarə etdiyi "Mercedes Benz C240" markalı avtomobil ilə Lənkəran-Boradigah-Masallı avtomobil yolunun Lənkəran rayonunun Girdəni kəndi ərazisindən keçən hissəsində hərəkətdə olan zaman yolunun kənarında dayanmış piyadalar – Ağayev Məhərrəməli Vidadi oğlu və Hüseynov Elmar Eldar oğlunu vurub.
Nəticədə M.Ağayev müxtəlif dərəcəli bədən xəsarətləri alıb, E.Hüseynov isə aldığı xəsarətlərdən xəstəxanasında ölüb.
Faktla bağlı Lənkəran ŞRPŞ-nin İstintaq bölməsində Cinayət Məcəlləsinin 263.2-ci maddəsi ilə cinayət işi başlanılaraq istintaq aparılır.
Orxan Rasifoğlu
