İsrail Qəzza zolağında hərbi əməliyyatları genişləndirə bilər

İsrail Ordusu yaxın günlərdə Qəzza zolağında hərbi hücumları gücləndirməyə hazırlaşır və bu məqsədlə on minlərlə ehtiyatda olan hərbçinin səfərbər olunacağı gözlənilir.

E-huquq.az xəbər verir ki, bu barədə "Bloomberg" agentliyi məlumat yayıb.

Agentliyin yazdığına görə, əməliyyatın genişləndirilməsi barədə qərar hökumətin Benyamin Netanyahunun başçılığı ilə mayın 3-də keçirdiyi iclasında qəbul olunub.

Qeyd olunur ki, döyüşlərin intensivləşdirilməsi həm beynəlxalq aləmdə, həm də İsrail daxilində Netanyahunun üzərinə artan təzyiqlər fonunda baş verəcək.

Bu təzyiqlər uzun müddətdir davam edən və çıxış yolu görünməyən HƏMAS-la müharibəyə görə daha da güclənib.