Kanada, İngiltərə və Fransa İsraili Qəzzada hərbi əməliyyatları dayandırmağa və dərhal humanitar yardımın daxil olmasına icazə verməyə çağırıb. Əks halda cavab sanksiyaları tətbiq etməklə hədələyib.
E-huquq.az UNİAN- istinadən xəbər verir ki, bu barədə Kanada hökumətinin saytında üç ölkənin birgə bəyanatında deyilir.
Ölkələr, həmçinin HƏMAS-ı 2023-cü il oktyabrın 7-dən bəri saxladıqları girovları dərhal azad etməyə çağırıb.
Onlar qeyd ediblər ki, İordan çayının qərb sahilində yaşayış məskənlərinin genişləndirilməsi cəhdlərinə də qarşıdırlar: “İsrail qeyri-qanuni olan və Fələstin dövlətinin yaşamaq qabiliyyətinə, israillilərin, eləcə də fələstinlilərin təhlükəsizliyinə xələl gətirən yaşayış məntəqələrinin tikintisini dayandırmalıdır".
Humay Eminqızı
