Rusiyada yaşayış binasında güclü partlayış olub

Rusiyanın Stavropol şəhərində yaşayış binasında baş verən qaz partlayışla cinayət iş açılıb.

E-huquq.az xəbər verir ki, bu barədə Rusiya Federasiyasının region üzrə İstintaq Komitəsi məlumat verib.

Faktla bağlı Rusiya Federasiyası Cinayət Məcəlləsinin 167-ci (əmlakı qəsdən məhv etmə və ya zədələmə) və 238-ci (təhlükəsizlik tələblərinə cavab verməyən xidmətlərin göstərilməsi) maddələri ilə cinayət işi açılıb.

Hadisə yerinə baxış keçirilib, zəruri ekspertizalar təyin edilib.

Qeyd edək ki, mayın 21-də, səhər saatlarında Stavropol şəhərinin Tuxaçevski küçəsindəki yaşayış binasındakı mənzillərdən birində qaz sızması nəticəsində partlayış olub.

Partlayışla bağlı araşdırmalar davam edir.

Humay Eminqızı