Türkiyədə ağır qəza: 5 nəfər öldü 6 nəfər yaralandı

Türkiyənin Manisa şəhərində ağır yol nəqliyyat hadisəsi baş verib.

E-huquq.az xəbər verir ki, hadisə Manisanın Salihli rayonunda qeydə alınıb.

Minik avtomobili ilə pikapın toqquşması nəticəsində 5 nəfər ölüb, 6 nəfər isə yaralanıb.

Bölgəyə çoxlu tibb, xilasetmə və polis qrupları cəlb edilib.

Hadisə ilə bağlı araşdırma başladılıb.

Humay Eminqızı