Türkiyədə 783 qanunsuz miqrant saxlanılıb

Türkiyənin 81 vilayətində aparılan yoxlamalar zamanı 169 miqrant qaçaqmalçısı və 783 qanunsuz miqrant saxlanılıb.

E-huquq.azın xəbərinə görə, bu barədə Daxili işlər naziri Ali Yerlikaya məlumat verib.

Nazir qeyd edib ki, yoxlamalar zamanı 132-si xarici ölkə vətəndaşı olmaqla 169 miqrant qaçaqmalçısı yaxalanıb. Həmçinin 783 qeyri-qanuni miqrant müəyyən edilib, 430 454 nəfərin kimliyi araşdırılıb.

Əməliyyatlarda 27 347 təhlükəsizlik əməkdaşı iştirak edib və 6 897 ictimai yer, 3 892 tərk edilmiş bina və 457 terminal yoxlanılıb.

Humay Eminqızı