Gündə bir neçə dəqiqəlik intensiv hərəkət xroniki xəstəlik riskini kəskin azaldır

"European Heart Journal"da dərc edilən bir araşdırmaya görə, gündəlik hərəkətin hətta kiçik bir hissəsinin yüksək intensivlikli edilməsinin səkkiz müxtəlif xroniki xəstəlik riskini əhəmiyyətli dərəcədə azaldır.

E-huquq.az xəbər verir ki tədqiqatçılar Böyük Britaniyanın Biobank məlumatlarından istifadə edərək doqquz il ərzində təxminən 470.000 insanın fəaliyyətini izləyiblər.

Nəticələr göstərib ki, ümumi fiziki fəaliyyətinin yalnız 4%-ni yüksək intensivlikli məşqlərə həsr edən insanlar ümumiyyətlə məşq etməyənlərə nisbətən daha sağlamdırlar. Yüksək intensivlikli məşqlər, demans xəstəliyi riskini 63%, tip 2 diabet riskini 60%, yağlı qaraciyər xəstəliyi riskini 48%, ölüm riskini (bütün səbəblər üzrə) 46%, xroniki tənəffüs xəstəlikləri riskini 44%, xroniki böyrək xəstəliyi riskini 41%, immunitet sistemi xəstəlikləri riskini 39% və ürək-damar hadisələrinin riskini 31% azaldır.

Fəaliyyətin yüksək intensivlikli olub olmadığını müəyyən etməyin ən asan yolu danışma testi vasitəsilədir.

Əgər məşq edərkən tam cümlələr qura bilirsinizsə, siz aşağı və ya orta intensivlik səviyyəsindəsiniz.

Yalnız nəfəsiniz kəsilirsə və yalnız bir neçə söz deyə bilirsinizsə, bu, yüksək intensivlikli bir fəaliyyətdir.

Nümunələrə qaçmaq, sürətlə velosiped sürmək, pilləkənləri sürətlə qalxmaq və ya ağır alış-veriş çantalarını yoxuşa aparmaq daxildir.

Mütəxəssislər vurğulayırlar ki, bu faydaları əldə etmək üçün peşəkar idmançı olmaq lazım deyil. Gündə bir neçə dəqiqəlik gərgin səy belə fərq yaradacaq.

Lakin hər hansı yeni proqrama başlamazdan əvvəl həkimə müraciət etmək tövsiyə olunur.

Şəbnəm Mehdizadə