İndoneziyada helikopter qəzaya uğrayıb, 8 nəfər ölüb

İndoneziyanın Qərbi Kalimantan əyalətində helikopter qəzaya uğrayıb.

E-huquq.az xəbər verir ki, bu barədə “Jakarta Globe” qəzeti məlumat yayıb.

Dünən yerli vaxtla 07:34 radələrində Melavi bölgəsindən havaya qalxan “Airbus H130” tipli helikopter saat 08:39-da itkin düşüb.

Göyərtədə ümumilikdə 2 pilot və 6 sərnişin olub.

Axtarış-xilasetmə qrupları helikopteri Qərbi Kalimantan əyalətinin Sekadau bölgəsində tapıblar.

Rəsmilər bildiriblər ki, helikopterdə olan 8 nəfərin hamısı həyatını itirib.

Qəzanın səbəbi ilə bağlı hələlik açıqlama verilməyib.

Humay Eminqızı